Selibrasang di Intrudu Na Padri Sa Chang

Nus na banda Padri Sa Chang justu ja kaba selibra aliadu di Intrudu na 14 Janieru 2010.
Di tempu antigu ati ozinia, jenti di relijang Katholik na tera Malacca mesu selibra Intrudu.
Nus na bairu kada anu selibra Intruduna na dia di Domingo anti Kuartufera Di Sinzu, anti Koresma, anti Sastefera Santa kum anti Domingo di Paska.
Padri ja faseh Missa Intrudu na 8.00 oitu ora pamiang.

Foto 2010: James Jacinto


Kaba Missa, na 9.30 novi ora miu pamiang, jenti tudu kum baldi inchidu kum aqu ja baza faseh muladu kum tudu jenti keng teng na rua, keng teng na fora olotu se kaza kum rudia pasia.
Tudu jenti nadi fikah raiba kora ja tokah baza muladu.
Keng ja tomah partri logu acha bebe empouku binyu kauzu di alegria isti selibrasang.
Na 12.00 dozi ora midia nus ja ubi sohng dali sinu.
Tudu jenti tokah parah bringka agu.

Foto de 2009: asiaone.com


Na atardi 5.30 singku ora miu, kengkensa, mansebu ja sibri ropa femi kum rostu dekora chuma femi ja brinka futbal na nus sa barsing futbal.
Na 8.00 oitu ora anuti, tudu juntadu ja alegria di kumi anuti kum bala branyo na ilagra prasu Portugues ati 12.00 dozi ora anuti.